XƏBƏRLƏR

25.05.2019 12:31
Rektor sözünü tutdu: Pulu gənclərə verdi

Azərbaycan Dillər Universitetinin (ADU) rektoru Kamal Abdulla Azərbaycan Yazıçılar Birliyi (AYB) tərəfindən layiq görüldüyü Mirzə Cəlil Məmmədquluzadə adına nəsr mükafatı zamanı aldığı 2000 manat pulu gənclər arasında bölüb. Mükafatı böldüyü gənclərdən biri də gənc şairə Əfsanə Rəvan olub.

AzEdu.az xəbər veri ki, bu barədə Kult.az-a gənc şairənin özü məlumat verib.

“Həyat yoldaşıma zəng gəldi və bildirdilər ki, pulu ADU-dan götürə bilərik. Sevincimin həddi-hüdudu yoxdur. Kamal Abdullaya təşəkkür edirəm. O, hər zaman gəncləri düşünür. Kamal Abdulla bizim üçün gözəl örnəkdir”, - Əfsanə Rəvan bildirib.

Qeyd edək ki, bir müddət əvvəl Azərbaycan Dillər Universitetinin (ADU) rektoru Kamal Abdulla Azərbaycan Yazıçılar Birliyi (AYB) tərəfindən layiq görüldüyü Mirzə Cəlil Məmmədquluzadə adına nəsr mükafatına görə ona verilən pulu 4 gənc yazıçı arasında böləcəyini bildirmişdi.

İlin gənc müəllimi-Müraciət formu