“Milli Məclisin sabiq deputatı Elton Məmmədov Azərbaycan Texniki Universitetin strateji inkişaf məsələləri üzrə prorektoru təyin olunub”.
Bunu AzEdu.az-a açıqlamasında ATU-nun İctimaiyyətlə əlaqələr şöbəsinin müdiri Nicat Abdullayev deyib.
O sözlərində məlumatın doğru olduğunu qeyd edib.
“Elton Məmmədov uzun müddətdir ki, Azərbaycan Texniki Universitetində çalışır. 2007-ci ildə namizədlik dissertasiyasını müdafiə edərək, texnika üzrə fəlsəfə doktoru elmi dərəcəsini alıb. 2013-cü ildə “Neft sənayesinin ekoloji və texniki problemlərinin nanotexnoloji aspektləri” mövzusunda doktorluq dissertasiyası müdafiə edərək, texnika elmləri doktorluğu dərəcəsini əldə edib.
Ağsuda elmi pedaqoji fəaliyyət göstərib. Universitetin Ekoloji problemləri və nanokompazitlərin tətbiqi və tədqiqi elmi tədqiqat laboratoriyasının müdiri vəzifəsində çalışıb.
Hazırda isə Avtomobil daşımaları və yol hərəkətlərinin təşkili kafedrasının professorudur.
Bir saat əvvəl rektor əvəzləyicisi professor Xalıq Yahudov Elton Məmmədovu Azərbaycan Texniki Universitetinin strateji inkişaf üzrə prorektoru təyin edib.
Elton Məmmədov çalışdığı müddətdə universitetin xarici əlaqələrinin qurulmasında , elmi-tədqiqat laboratoriyaları ilə əlaqələrin inkişafında yaxından iştirak edib. Eyni zamanda onun rəhbərlik etdiyi elmi-tədqiqat laboratoriyası dünyanın nüfuzlu şirkətləri ilə layihələr həyata keçirib.Həmin laboratoriyada aparılan tədqiqatlar nəticəsində əldə olunan pul vəsaiti universitetin büdcəsinə daxil edilib.Xeyli elmi araşdırmalara rəhbərlik edib.Bu gündə həmin araşdırmalar neft-qaz sənayesinin inkişafında istifadə olunur”.
Şükufə Süleymanlı
kitabı