AzEdu.az müğənni Talıb Talenin BiG.AZ-a müsahibəsini təqdim edirik:

- Talıb Tale , maraqlıdır, politologiyanı bitirmisiniz, amma müğənni kimi fəaliyyət göstərirsiniz. 
Bu sənətə əvvəl həvəsim var idi, sonradan bu həvəs məqsədə çevrildi. Bilirdim ki, mənim mahnılarım nə vaxtsa eşidilib dinləniləcək, ehtiyac yaranacaq. O qədər musiqi təhsili almış adamlar var ki, bu sahədə uğur qazana bilmirlər. Professional oxuyur, musiqi savadı da var, amma məşhur ola bilmir. Nəsə çatışmır elə bil.

-Bəs uğur qazanmağın açarı nədədir?

-Konkret bir açar yoxdur. İnternet əsridir, elə insan var ki, gözləmədiyi halda elə populyar olur ki…

- Sizi "Maşın şou"nun qalibi edən populyarlıqmı oldu?
- Bir neçə dəfə o verilişə dəvət almışdım, amma getmirdim. Konsert proqramlarına başım qarışırdı, efirlərdə demək olar görünmürdüm. "Maşın şou" qurma oyun deyildi, real oyun idi. Həmin şouda heç kim mənə necə davranacağımı göstəriş vermirdi. Heç bir plan cızmırdım, olduğum kimi davranırdım. Yeri gələndə sözümü deyirdim, hər şeyi öz axarına buraxırdım. Neçə illər çəkdiyim zəhmətin bəhrəsi idi…Bu sevgini qazanmışdım. Gözütox adamam. Əsas məqsədim maşını udmaq deyildi. gözdən düşməmək idi. Məqsədimə çatdım.

-Sizə paxıllıq edənlər çoxdur?

-Var. İstənilən uğur qazanan insana paxıllıq edirlər. Kim ki, bir şeyi əldə edə bilmir, başlayır paxıllıq etməyə. Başqasının uğurunu gözü götürmür, onun ayağından aşağı çəkir, gözdən salmağa çalışır. Belələri ətrafımda var və daha təhlükəlidir.

-İndi bəzi müğənnilər yaradıcılığından çox, şəxsi həyatıyla gündəmə gəlir. Siz isə şəxsi həyatınızı mediadan gizlədən müğənnilərdənsiniz…

-Gizlətməyə çalışıram bəli. Nişan fotolarını da qohumlarımdan biri yaymışdı. Vallah nə deyim, şəxsi həyatını gündəmə gətirənlər kimdirsə, onların öz şəxsi işidir. Deyə bilmərəm axı, sən niyə belə eləyirsən. Mən belə düşünürəm, o başqa cür düşünür. Özünə onu rəva bilir, mən rəva bilmirəm. Toyum da mediaya qapalı olacaq. Çox az sənət adamlarını toyuma dəvət edəcəyəm.

-Talıb bəy sizin duet ortağınız olan xanımlar adətən şəxsi həyatları ilə çox gündəmə gəlirlər. Bu sizin yaradıcılığınıza hər hansı bir təsir göstərirmi?
-Duet oxuduğum xanımların şəxsi həyatı ilə gündəmə gəlməsi mənim yaradıcılığıma heç bir mənfi təsir göstərmir. Sadəcə, səs uyğunluğu olur, bəyənirəm və seçim edirəm. Damlaya duet oxumağı da mən təklif eləmişdim. Onda Damla hələ belə populyar deyildi. Damla ilə haradasa oturmuşduq, mahnımı elə-belə zümzümə elədi. Xoşuma gəldi və duet oxumağı təklif etdim.

-Son günlər Damlanın sosial şəbəkələrdə yayılan görüntüləri müzakirələrə səbəb oldu. Hətta efirdə də bu məsələ müzakirə olundu.

- Ümumiyyətlə, efirdə bu cür mövzuların müzakirə olunması doğru deyil. Efirə hamı baxır,

-Qazancınız size qane edirmi?
-Şükür Allaha.

-Ailənizə, qohumlarınıza maddi dəstək olursunuzmu? Bəzi saytlar ailənizin acınacaqlı vəziyyətdə olduğunu da yazdı…
-Bacardığım qədər dəstək oluram. Bəli, ata-anamın yaşadığı evin görüntüsünü yaydılar, mən onu danmadım. Açıqlama verdim ki, atam-anam müəllimdirlər. Bugün müəllim maaşı hamıya məlumdur. Biz qaçqın düşüb gəlmişik. Elə tikilən evimizi orada qoyduq gəldik. Bura gələndən sonra biz çətinliklə müəllim maaşı ilə durub yenidən ev tikmək, ev təmir eləmək mümkün deyildi. Müəllimin aldığı maaş ancaq övlarını saxlamağa, təhsilini davam etdirməyə yetə bilər. Ümumiyyətlə, o maaş ilə necə dolanmaq olar ki? 4 övlad olmuşuq, çox çətinliklə böyümüşük. İndi şükür Allaha, ata-anama ev tikdirmişəm, özümə ayrıca ev almışam.
-Verilişlərdə niyə-az-az görünürsünüz?
-Belə yaxşıdır, efirə çox gedəndə effekti yaxşı olmur, tamaşaçılar yorulur.

-Talıb bəy Afət Fərmanqızı Pəncü -ŞEŞ mahnısını eşitmisiz yəqinki. Efirdə də çox müzakirə olundu, birmənalı qarşılanmadı…

Eşitmişəm! Düzdür, bir çoxları bunu tənqid elədi. İfası normaldır, amma məsələ başqadır. Həmin qəzəli "Nəsimi"də Rasim Balayevin dilindən eşitmişik. O filmdə sanbal, ağırlıq var. Bu sözləri oyun havasında görəndə istər-istəməz belə reaksiya verməlidirlər. Amma bu dərəcədə çox tənqid eləmək lazım deyild.
-Siz oxuyardınız o mahnını?

-Xeyr, oxumazdım.

-Qınanmaqdan qorxursunuz?

-Qorxmuram, sadəcə zövq məsələsidir.