2018-ci ildə 3127 abituriyent 600 baldan yuxarı nəticə göstərib və 41 min nəfər ali məktəblərə qəbul olunub.

AzEdu.az xəbər verir ki, bu barədə Nazirlər Kabinetinin 2018-ci ildə fəaliyyəti haqqında hesabatında bildirilib.

Sənədə görə, təhsilin keyfiyyətinin yüksəldilməsi istiqamətində həyata keçirilən tədbirlər nəticəsində son 5 ildə ali təhsil müəssisələrinə tələbə qəbulunun keyfiyyət göstəricilərində davamlı artım dinamikası müşahidə olunur.

Son 5 ildə qəbul imtahanlarında 300-dən çox bal toplayanların sayı 26,5%, 400-dən çox bal toplayanların sayı 35,1%, 500-dən çox toplayanların sayı 51,5%, 600-dən çox bal toplayanların sayı isə 81,3% artıb.

2018-ci ildə 3127 abituriyent 600 baldan yuxarı nəticə göstərib və 41 min nəfər ali məktəblərə qəbul olunub.